Баромади футболбозони тоҷик дар хориҷа

Дар чемпионатҳои гуногуни ҷаҳон ин ҳафта футболбозони тоҷик баромад намуданд, ки дар гузориши зер манзуратон хоҳем кард.

Ӯзбекистон, даври 3

Металлург — Сурхон — 0:0

Зоир Ҷӯрабоев (Сурхон). Дар ин давр футболбози тоҷик хеле хуб баромад намуд ва дар дидор бо Металлург 90 дақиқа майдондорӣ намуд. Пас аз анҷоми давр ӯ шомили ҳайати рамзии даври 3-юми чемпионати Ӯзбекистон аз рӯи фарзияи championat.asia гардид.

Навбаҳор — Куканд 1912 — 2:0

Эҳсони Паншанбе (Навбаҳор) — Эҳсон дар ин дидор дар дақиқаи 89-ум ба майдон омад.

АГМК — Насаф — ба тақиф гузошта шуд

Алишер Ҷалилов (АГМК) — Аз сабаби бозиҳои мунтахабҳои Ӯзбекистон ва Тоҷикистон дар Ҷоми Наврӯз 2022, бозии АГМК — Насаф доир нашуд.

Бунёдкор — Локомотив Тошкент 2:1

Давронҷон Эргашев (Бунёдкор) — Аллакай сеюмин бозӣ пайи ҳам аст, ки Давронҷон ба ҳайси капитани Бунёдкор ба майдон мебарояд ва дар ин дидор ҳам, чун пештара 90 дақиқа майдондорӣ намуд.

Қазоқистон, даври 3

Атирау — Мактаарал 2:1

Шериддин Бобоев (Мактаарал) — Шериддин 45 дақиқаи қисми аввал  дар майдон буд, вале ба ягон натиҷаи нишонрас ноил нашуд.

Ҳиндустон, даври 6

Индиан Эрроус — Айҷаил 0:2

Бахтиёр Қаландаров (Айҷаил) — Айҷаили Бахтиёр Қаландаров дар даври навбатии чемпионати Ҳиндустон дар сафар тими Индиан Эрроусро 2:0 шикаст дод ва футболбози тоҷик 90 дақиқа майдондорӣ намуд

Булғористон, даври 24

Арда — Локомотив Пловдив 5:1

Парвизҷон Умарбоев (Локомотив Пловдив) — Локомотиви Пловдив дар сафар аз Арда 1:5 шикаст хӯрд ва голи ягонаи Локомотивро футболбози тоҷик Парвизҷон Умарбоев ба самар расонид.

Эрон, даври 23

Персеполис — Истиқлол 1:1

Ваҳдат Ҳанонов ва Манучеҳр Сафаров (Персеполис) — Ин дидорро ҳарду футболбози тоҷик аз курсии эҳтиётӣ тамошо намуданд.

Бангладеш, даври 9

Раҳматгонж — Свадхинада 1:1

Сиёвуш Асроров (Раҳматгонж) — Футболбози тоҷик дар ин дидор 90 дақиқа майдондорӣ намуд.

Ҳиндустон, лигаи 1, даври 6

Раҷастан Юнайтед — Черчилл Брозерс 2:0

Комрон Турсунов (Черчилл Брозерс) — Комрон Турсунов аллакай дар лигаи якуми чемпионати Ҳиндустон 3юм сол аст, ки баромад дорад. Пештар дар дастаҳои Мохун Баган ва ТРАУ баромад намуда буд, вале натиҷа хубе нишон медод. Аллакай 5-умин бозӣ аст, ки дар Черчилл Брозерс баромад дорад, вале 1 ассист дар номаш асту халос. Дар ин дидор бошад, футболбози тоҷик 79 дақиқа майдондорӣ намуд.