Легионерони мо ин ҳафта чи гуна баромад намуданд?

Дар чемпионатҳои гуногун, ки футболбозони мо иштирок доранд, даври навбати доир гардид, ки инҷо муфассал хоҳем навишт.

Ӯзбекистон, даври 4

Пахтакор – Навбаҳор (Эҳсони Паншанбе) 1:0

Эҳсони Паншанбе дар курсии эҳтиётӣ  боқӣ монд.

Бунёдкор (Давронҷон Эргашев) – Динамо Самарқанд 2:1

Давронҷон Эргашев пурра 90 дақиқа дар майдон буд.

Сурхон (Зоир Ҷӯрабоев) – АГМК (Алишер Ҷалилов) 1:2

Зоир Ҷӯрабоев дар ҳайати асосӣ ба майдон омад ва дар дақиқаи 14 корти зард гирифт ва дар дақиқаи 36-ум сармураббӣ ӯро аз майдон гирифт. Алишер Ҷалилов бошад 90 дақиқа майдондорӣ намуд ва як ассист анҷом дод.

Ҷоми Филлипин, даври гуруҳӣ.

Мендиола – Юнайтед Сити (Амир Ҷӯрабоев) 0:0

Амир Ҷӯрабоев 90 дақиқа майдондорӣ намуд.

Лигаи якуми Ҳиндустон, даври 10

Айҷал (Бахтиёр Қаландаров) – ТРАУ 1:2

Бахтиёр Қаландаров 90 дақиқа майдондорӣ намуд.

НЕРОКА – Черчилл Брозерс (Комрон Турсунов) 2:4

Комрон Турсунов дар ин дидор 90 дақиқа майдондорӣ намуд ва 1 гол ба самар расонид. Ҳаминро гуфтан ба маврид аст, ки Комрон сеюмин бозӣ пайи ҳам ба задани гол даст меёбад.

Эрон, даври 24

Ҳаводор – Персеполис (Манучеҳр Сафаров ва Ваҳдат Ҳанонов) – 0:0

Ҳарду футболбози тоҷик дар курсии эҳтиётӣ боқӣ монданд.

Қазоқистон, даври 4

Мактаарал (Шериддин Бобоев) – Остона 0:3

Шериддин Бобоев дар дақиқаи 60-ум ба майдон омад то охири дидор баромад намуд.

Болгария, даври 25

ЦСКА 1948 – Локомотив Пловдив (Парвизҷон Умарбоев) 4:0

Парвизҷон Умарбоев дар қисми дуюми дидор ба майдон омад ва 45 дақиқа майдондорӣ намуд.

Бангладеш, даври 10

Шайх Рассел – Раҳматгонж (Сиёвуш Асроров) 1:1

Сиёвуш Асроров 90 дақиқа майдондорӣ намуд.