Дуюм мусобиқаи байналмилалӣ оид ба гуштингирӣ доир мешавад

Дуюм мусобиқаи байналмилалӣ оид ба гуштингирӣ доир мешавад
Поделиться новостью
  •  
  •  
  •  
  •  
  •  
  •  
  •  
  •  

12 сентябр дар шаҳри Душанбе бо иштироки паҳлавонони 13 кишвар дуюм мусобиқаи байналмилалӣ оид ба гуштини миллӣ – гуштингирӣ баргузор мешавад.

ДУШАНБЕ, сентябр – SPORTS.tj. Мусобиқа бо ибтикори Мақомоти иҷроияи маҳалии ҳокимияти давлатии шаҳри Душанбе дар ҳамкорӣ бо Федератсияи гуштингирии Тоҷикистон ба ифтихори 30-солагии Истиқлоли давлатии Тоҷикистон гузаронида мешавад.

Имрӯз, 7 сентябр, дар қароргоҳи Федератсияи гуштингирии Тоҷикистон Кумитаи тадорукот масъалаҳои ниҳоии омодагиро баррасӣ карданд. Гуфта шуд, ки дар доираи мусобиқа, ҳамчунин 10 сентябр бори аввал конфронси байналмилалӣ баргузор мешавад.

Дар дуюм мусобиқаи байналмилалӣ оид ба гуштингирӣ паҳлавонон аз ҷумҳуриҳои Беларус, Гурҷистон, Қазоқистон, Қирғизистон, Озарбойҷон, Русия, Тоҷикистон, Туркия, Украина, Ӯзбекистон, Фаластин, Ҳиндустон ва Эрон ширкат мекунанд.

Рақобатҳо дар 5 вазн: 60кг, 70кг, 80кг, 90кг, +90кг миёни мардон ва дар як вазн: 65кг миёни бонувон ҷараён мегирад. Ғолибони ҳар 6 вазнро шоҳҷоиза – автомобил интизор аст. Ҳамчунин, барандагони медалҳои нуқра соҳиби 3 ҳазор доллари ШМА ва барандагони ҷои сеюм соҳиби 1,5 ҳазор доллари ИМА мешаванд.

Ҳамчунин, бори аввал ғолиб дар ҳайати даставӣ низ интихоб гардида, бо ҳазор доллари ИМА сарфароз мегардад. Ин дуюм мусобиқаи байналмилалӣ оид ба гуштини миллӣ – гуштингирӣ – дар Тоҷикистон аст. Сабқати аввал имсол ба ифтихори Рӯзи Ваҳдати миллӣ баргузор шуда буд.

Поделиться ссылкой:


Редакция Sports.tj

Подписывайтесь и будьте в курсе всего интересного - Я.Дзен, Telegram, Instagram

Возможно , вас заинтересует

Добавить комментарий

Ваш адрес email не будет опубликован. Обязательные поля помечены *

Вы не можете скопировать содержимое этой страницы
error: Content is protected !!